மேஷம்

வீரத்தை அணிகலனாகக் கொண்ட செவ்வாயை அதிபதியாகப் பெற்றுள்ள மேஷ ராசி அன்பர்களே... நவக்கிரக நாயகர்களின் முதல்வரான சூரியன் உங்கள் ராசிக்கு 6 ஆம் இடத்தில் இருக்கிறார். தூரதேசப் பயணங்களின் மூலம் உங்களுக்கு நன்மை உண்டாகும். செலவுகள் அதிகரித்து பணப் பற்றாக்குறை ஏற்படும். அதே நேரத்தில் எப்படியாவது பண வரவு இருக்கும். சந்திரனின் நகர்வு மிக சாதகமாக இருக்கின்றது. வியாபாரம் விருத்தி அடையும். செவ்வாய் 6 ஆம் இடத்தில் அமர்ந்திருக்கிறார். அரசாங்க வேலைகளில் எச்சரிக்கையாக இருங்கள். காரியத் தடைகள் ஏற்பட்டாலும் கவலைப்பட வேண்டாம். புதன் 5 ஆம் வீட்டில் இருக்கிறார். சுப காரியங்கள் நடக்கும். வெளியூர்ப் பயணங்களால் பணம் விரயம் ஏற்படும். தெய்வ வழிபாட்டின் மூலம் நன்மை உண்டாகும். குரு பகவான் 1 ஆம் வீட்டில் இருக்கிறார். மங்கல காரியங்களுக்கான செலவுகளைச் செய்வீர்கள். ஆன்லைன் வர்த்தகங்கள் நஷ்டத்தை ஏற்படுத்தும். கணவன் மனைவி உறவு மேம்படும். சனி பகவான் 11 ஆம் வீட்டில் இருக்கிறார். தொழிலில் எதிர்பாராத லாபம் கிடைக்கும். பணத்தட்டுப்பாடு பெருமளவில் குறையும். குடும்பத்தினர் பற்றிய கவலை நீங்கும். ராகு பகவான் ராசியிலேயே இருக்கிறார். வீண் கெட்ட பெயர் வராமல் பார்த்துக் கொள்ளுங்கள். துக்ககரமான நிகழ்ச்சிகளில் கலந்து கொள்ள வேண்டிய கட்டாயம் ஏற்படும். கேது பகவான் 7 ஆம் இடத்தில் இருக்கிறார். தொழிலில் மந்த நிலை ஏற்படும். நெருங்கிய நண்பர்கள் உதவி செய்வார்கள். புதிய நண்பர்களிடம் எச்சரிக்கை தேவை.