அஸ்வினி
அஸ்வினி நட்சத்திரத்தின் இராசி: மேஷம்.
நட்சத்திரத்தின் அதிபதி: கேது.
இராசியின் அதிபதி: செவ்வாய்.
அஸ்வினி நட்சத்திரத்தின் பொதுவான குணங்கள்
- செவ்வாய்க்கு உரிய கோபம் மற்றும் பிடிவாத குணம் கொண்டவராக இருப்பார்கள்.
- சண்டையில் அதிக ஈடுபாடு கொண்டவராகவும், அயராத உழைப்பை கொண்டு வெற்றி பெற வேண்டும் என்னும் தீவிரம் கொண்டவர்களாக இருப்பார்கள்.
- பெண்களிடம் இனிமையாக பேசக்கூடியவர். இவரை அவமதித்தால் மனதில் பழிவாங்கும் எண்ணம் உடையவராக இருப்பார்கள். தவறுக்காக மன்னிப்பு கேட்கும் இயல்பு உடையவர்கள்.
- எந்த காரியத்தையும் தைரியத்துடன் செய்து முடிப்பவராக இருப்பார்கள். தனது தாய் தந்தையர் மீது ஓரளவு பாசம் உடையவராக இருப்பார்கள். அழகும், முரட்டுச் சுபாவமும் உடையவராக இருக்கக்கூடும்.
அஸ்வினி முதல் பாதம்: இவர்களிடம் அஸ்வினியின் பொதுவான குணங்களும் இருக்கும். மேலும் கீழ்க்கண்ட சில குணங்களும் இருக்கும்:
- அதிக கோபம் மற்றும் பிடிவாத குணம்.
- அடிக்கடி சண்டையில் ஈடுபடுவது.
- சொத்து சேர்க்கை உண்டாகும்.
- எடுத்த காரியத்தில் வெற்றி.
அஸ்வினி இரண்டாம் பாதம்: இவர்களிடம் அஸ்வினியின் பொதுவான குணங்களும் இருக்கும். மேலும் கீழ்க்கண்ட சில குணங்களும் இருக்கும்:
- சாந்தகுணம் மற்றும் பொறுமைசாலியாக இருப்பார்கள்.
- மனைவியின் மீது அதிக அன்பு கொண்டவர்கள்.
- உயர்ந்த புகழ் மற்றும் கௌரவத்தை அடைவார்கள்.
அஸ்வினி மூன்றாம் பாதம்: இவர்களிடம் அஸ்வினியின் பொதுவான குணங்களும் இருக்கும். மேலும் கீழ்க்கண்ட சில குணங்களும் இருக்கும்:
- இவர்கள் தைரியசாலிகளாக இருப்பார்கள்.
- சாதுர்யமான பேச்சுத் திறமை கொண்டவர்கள்.
- கல்வி மற்றும் நுட்பமான ஆராய்ச்சியில் அதிக ஈடுபாடு கொண்டவர்கள்.
- வாதம் செய்வதில் வல்லவர்கள்.
- கற்பனையில் சிறந்தவர்கள்.
- அன்னையின் மீது அதிக அன்பு கொண்டவர்கள்.
அஸ்வினி நான்காம் பாதம்: இவர்களிடம் அஸ்வினியின் பொதுவான குணங்களும் இருக்கும். மேலும் கீழ்க்கண்ட சில குணங்களும் இருக்கும்:
- பிறரை அடக்கி ஆளக்கூடிய சக்தி கொண்டவர்கள்.
- முன் கோபம் உடையவர்கள்.தர்ம சிந்தனையும், தெய்வ பக்தியும் உடையவர்கள்.
- அரசுடன் தொடர்புடைய துறைகளில் ஈடுபாடு இருக்கும்.